Sos tenores ant una melodia trista, malinconica, seria e desolada, ogni borta mi benit de pensare a sos paesàgios, a sas pianuras desolantes e a sos montes tintos de rùgiu a sa calada de su sole solitàriu, in sa terra de Barbàgia.
B'at una malincònia misteriosa de unu pòpulu triste,isoladu e perdidu in campagnas mannas e mudas.

Custu est unu cummentu de G.Deledda chi apo cherfidu bortare in sardu ca est unu cuntzetu chi s'accùrtziat meda a su chi sento jeo.
Sos tenores, pro fortzuna, sunt galu bibos in sa traditzione sarda, mancari sigundu mene, ant perdidu cudda ispiratzione chi pòdiant àere sos sardos de meda tempus fàghet.
Ispiratzione chi a tempos de oje est ligada solu a su folclore, non pro nudda sos cantos prus bellos chi galu oje sighint a essere cantados sunt cussos de sos poetas anticos.

Panas e Bean Nighe

Apo agatadu un articulu in ue benint cunfrontadas duas figuras misteriosas sas Panas nostras cun sas Bean Nighe irlandeses...
Ite sunt sas Panas?
sunt sa fèminas chi mòriant de partu.
Sigomente fiant mortas in unu mamentu cussideradu "impuru" fiant cundannadas a labare sos pannos mantzados de su sàmbene de su fìgiu mortu, pro sette annos.
Sas panas si pòdiant biere in s'oru de sos rios, tra sa una e sas duas de sero, labande e cantande una ninna nanna trista meda.
Sas panas non pòdiant faeddare cun niunu e non si pòdiant frimmare: si calicunu las frimmabant o si pòniat a faeddare cun issas dèviant tòrrare a cumintzare sa penitèntzia dae su de nou. Pro cussu si calicunu progabat a las disturbare, sas Panas ghetabant a subra abba, chi però brujabat che a su focu.
Pro cussu sa fèminas sardas no andabant a labare sos pannos a de note.
Sas mantzas chi carchi fèmina tèniat in cara medas bortas bèniant bidas comente signu de sas Panas.
Como benimus a sas Bean Sidhe e Bean Nighe, chi no sunt àteras chi sas "cullegas irlandesas" de sas Panas sardas...

Bean Nighe, cheret nàrrere "la lavandaia dei guadi".
Finas custas sunt sas animas de fèminas mortas in partu.
Si mustrant comente una tzia minoredda,curba e betza.
Essint in sas notes sena luna in s'oru de sos rios, in ue labat sos pannos mantzados de sambene de cussos chi debent mòrrere in pagu tempus.

Ite ne pensades? sunt petzi coincidentzas?

Remundu Pira (Biddanoa Monteleone)

O sardu, si ses sardu e si ses bonu
semper sa limba tua apas presente
non sias che isciau ubbidiente
faeddande sa limba de su padronu

Ite bos parent custas operas?
Bellas beru?........
e sunt de autores sardos, peccadu chi medas mancu los connoschent...!!!!\\\

Nivola

Delitala

Ciusa